Sunday, July 13, 2008

കട്ട കലിപ്പ്‌


ഇതു ഒരു മഞ്ഞ്‌ കട്ട അല്ല. ഇത്‌ ഒരു പഞ്ഞിക്കെട്ടല്ല. ഇത്‌ വെള്ള പൂശിയ കരിങ്കല്ലും അല്ല. എങ്ങിൽ പിന്നെ ഇതെന്താണ്‌? ഇതാണ്‌ സ്വാദിഷ്ടമായ ദോശ ഉണ്ടാക്കാൻ ഞങ്ങൾ അടുത്തുള്ള മലയാളികളുടെ കടയിൽ നിന്ന്‌ വാങ്ങിയ ദോശമാവ്‌. അതെ, വെള്ളം പൊലെ ഇരുന്ന ആ ദോശമാവ്‌ തന്നെയാണു കരിങ്കല്ല്‌ പോലെ അടുപ്പത്ത്‌ ഇരിക്കുന്നത്‌. കണ്ടാൽ തന്നെ അറിഞ്ഞൂടെ എന്തു മാത്രം കഷ്ടപ്പെട്ടു കാണും ഞങ്ങൾ ഇതു ഇങ്ങനെ ഒപ്പിച്ച്‌ എടുക്കാൻ എന്ന്‌.
സംഭവം ഇങ്ങനെ. തലേന്ന്‌ വാങ്ങിയ ദോശമാവ്‌ ഞങ്ങൾ നേരെ കൊണ്ടു വന്ന്‌ ഫ്രിട്ജിൽ വെച്ചു. പക്ഷെ സാധനം വെച്ചത്‌ ഫ്രീസറിൽ ആയിരുന്നു. അതും കൂടാതെ കൂട്ടത്തിൽ ഒരു മണ്ടൻ ഫ്രീസർ മാക്സിമം ആക്കി വെച്ചു. പിന്നെ പറയണ്ടല്ലൊ പൂരം. പിറ്റേന്ന്‌ വൈകീട്ട്‌ വിശന്ന്‌ വലഞ്ഞ്‌ വന്നു ദോശ ഉണ്ടാക്കാൻ വെണ്ടി ഫ്രിട്ജ്‌ തുറന്ന്‌ നോക്കിയ ഞങ്ങൾ ഞെട്ടി തെറിച്ചു. ദേ ഇരിക്കുന്നു കല്ലു പോലെ ഞങ്ങളുടെ ദോശമാവ്‌. അതുകൊണ്ട്‌ ഒരാളെ വേണമെങ്കിലും എറിഞ്ഞ്‌ കൊല്ലാം.ഇനി ഇപ്പൊ എന്തു ചെയ്യാൻ. പിന്നെ ഒന്നും നൊക്കിയില്ല. കത്തി എടുത്തു ഞാൻ. തെറ്റിധരിക്കണ്ട, മാവ്‌ ഫ്രീസറിൽ വെച്ചവനെ കുത്തി മലർത്താൻ ഒന്നുമല്ല. ആ മാവ്‌ അതിന്റെ കവർ മുറിച്ച്‌ പുറത്തെടുക്കാൻ വെണ്ടി മാത്രം ആണ്‌ ഈ കത്തി. വെളുത്ത്‌ തുടുത്ത്‌ കല്ല്‌ പൊലെ ഇരിക്കുന്ന അതെടുത്ത്‌ നേരെ അടുപ്പത്ത്‌ കേറ്റി. ഗ്യാസ്‌ കത്തിച്ച്‌ ചൂടാക്കാനും തുടങ്ങി. കുറച്ച്‌ നേരം നോക്കിയിട്ടും അതു ഉരുകുന്നില്ല. വീണ്ടും ക്ഷമയോടെ വിശക്കുന്ന വയറുമായി ഞങ്ങൾ നിന്നു. വിശപ്പു കാരണം വയറ്‌ കരിയുന്ന ഒരു സുഗന്ധം വരുന്നുണ്ടായിരുന്നു. അല്ല, അത്‌ വയറ്‌ കരിയുന്ന സുഗന്ധം ആയിരുന്നില്ല. ഉരുക്കാൻ വേണ്ടി അടുപ്പത്ത്‌ വെച്ച മാവ്‌ കരിയുന്നതായിരുന്നു. അങ്ങനെ അന്നു രാത്രി ഹോട്ടെലിലെ മനം മടുപ്പിക്കുന്ന ഭക്ഷണം കഴിച്ച്‌ വയറ്‌ നിറക്കെണ്ട ഗതികേടു ഞങ്ങൾക്കുണ്ടായി.
അടിക്കുറിപ്പ്‌ - ആ പടത്തിൽ കാണുന്നത്‌ കവറിൽ ഇരിക്കുന്ന മാവല്ല. കവറിൽ നിന്ന്‌ പുറത്തെടുത്ത മാവാണ്‌.

എന്ന്‌ നിങ്ങളുടെ സ്വന്തം ഇതിഹാസൻ

6 comments:

അനൂപ്‌ കോതനല്ലൂര്‍ said...

കൊള്ളാം കലക്കന്‍

Praveen said...

@ anoop

thanks:)

Dhanya said...

Poor you :)
Dosa maavu aduppil vekkaruthennu ippo padichille :)

Praveen said...

inganayalle oronnu padikkuka..
iniyum ithu pole palathum padikkan undu

അരുണ്‍ രാജ R. D said...

Bhayanakam...Oru dOSA polum nere kittiyilla lle..?:(

scorpiogenius said...

super machu super!!

Click here for Malayalam Fonts